|
軍情
巴西「8哥」華斯高，有中場李安度迪沙巴圖在上輪自由盃領紅牌被逐，今場要坐波監；這名今季才由沙士菲來投的中場踢法硬淨，缺少他令防線前失去重要屏障，另一中場馬些路馬圖斯仍未康復，中場實力大減。
巴西下游份子高士路，其進攻中場堤亞高尼維斯在上輪自由盃梅開二度，近8仗有5球進帳，腳風轉順；箭頭沙斯沙同樣連中兩元，打破9仗入球荒之餘，更交出1次助攻，重拾信心。
華斯高
停賽：李安度迪沙巴圖（中場）
上陣成疑：／
受傷／缺陣：馬些路馬圖斯（中場）
高士路
停賽：／
上陣成疑：
受傷／缺陣：艾迪臣甘馬雷斯（後衛）、梅里路沙基拉（後衛）、莊拿達（中場）、大衛哥利亞（中場）、蘭尼爾（中場）、般奴施華（中場）、費特（前鋒）
近況
南美自由盃分組賽採主客雙循環制，每組首兩名出線16強，小組同分先計得失球，今場為E組第5輪賽事。華斯高在上輪自由盃，幾經辛苦下於末段迫和競賽會；但現時未開齋只得2分包尾，而且聯賽連盃賽，近6仗於法定時間只得1勝3和2負，僅入4球，就算想搶分亦恐怕有心無力。高士路雖然日前聯賽只能悶和國際體育會0比0，但在上輪自由盃一吐烏氣，在主場大勝智利大學7比0，一洗早前3仗不勝兼沒有入球的頹風，現時與智利大學同得5分，憑較佳得失球升上第2位，仍要搶分爭出線，今場不敢鬆懈。儘管高士路客場戰績一般，但必先求穩陣，近6仗有5次開「半場」和，值得再追，客勝亦可兼投。
對賽
•兩軍近5交手，高士路取得2勝2和1負。
•兩軍近7次交手，5次「總入球」開3球或以上。
